म त गाउँले के आउँनु तिम्रो शहरमा
मेरो लागि के पाउँनु तिम्रो शहरमा ॥
धनै धनको बिटो लिई आउँछन् अरे त्यहाँ
म भिखारी के धाउँनु तिम्रो शहरमा ॥
क्यासिनो र डिस्को तिर तिम्रो मोह छरे
लोक भाका के गाउँनु तिम्रो शहरमा ॥
तिम्रा रंगीन सपनाको राज कुमार भइन
उजाड बस्ती के छाउँनु तिम्रो शहरमा ॥
सुन्दर फूलमा झुम्मीएका भमराको ताँती
घायल नजर के लाउँनु तिम्रो शहरमा ॥
म त गाउँले के आउँनु तिम्रो शहरमा
मेरो लागि के पाउँनु तिम्रो शहरमा ॥
!!!!रुद्र प्रसाद!!!!!
No comments:
Post a Comment